இறுதி ஆட்டத்தில் பென் ஷெல்டன் - அலெக்ஸ் ஸ்வெரேவ் மோதல்

யுஎஸ் ஓபன் கிராண்ட்ஸ்லாம் டென்னிஸ் போட்டி ஆடவா் ஒற்றையா் இறுதி ஆட்டத்தில் அமெரிக்காவின் பென் ஷெல்டன்-ஜொ்மனியின் அலெக்சாண்டா் ஸ்வெரேவ் மோதுகின்றனா்.இதில் ஷெல்டன் முதல் கிராண்ட்ஸ்லாம் இறுதிக்கு தகுதி பெற்றுள்ளாா்.

நிகழாண்டின் கடைசி கிராண்ட்ஸ்லாமான யுஎஸ் ஓபன் நியூயாா்க்கில் நடைபெறுகிறது. இதன் ஆடவா் ஒற்றையா் அரையிறுதி ஆட்டங்கள் நடைபெற்றன.

அமெரிக்க வீரா் பென் ஷெல்டன்-பிரான்ஸஸ் டியாஃபோ மோதினா். இதில் ஷெல்டன் 4-6, 6-3, 6-3, 7-5 என்ற செட்களில் டியாஃபோவை வீழ்த்தினாா். ஏறக்குறைய 3 மணிநேரம் நீடித்த இந்த ஆட்டத்தில் அட்லாண்டாவைச் சோ்ந்த 23 வயதான ஷெல்டன் முதல் செட்டில் போராடியும் டியாஃபோவிடம் இழந்தாா்.

முதல் செட்டில் இருவரும் மாறி, மாறி புள்ளிகளை ஈட்டினா். ஒரு பிரேக் பாயிண்ட்வாய்ப்பை டியாஃபோ பயன்படுத்தி ஷெல்டன் புரிந்த இரட்டை தவறால் 5-4 என முன்னிலை பெற்றாா். தொடா்ந்து அந்த செட்டை 6-4 என டியாஃபோ கைப்பற்றினாா்.

ஷெல்டன் ஆதிக்கம்: இரண்டாவது செட்டில் இருந்து ஷெல்டன் சுதாரித்து ஆடி ஆதிக்கம் செலுத்தினாா்., டியாஃபோவின் சா்வீஸை முறியடித்து 2-0 என முன்னிலை பெற்றாா். டியோஃபோ பதிலுக்கு போராடினாலும். ஷெல்டன் 5-3 என முன்னிலை பெற்று 6-3 என வசப்படுத்தினாா் ஷெல்டன்.

மூன்றாவது செட் ரேலிகள் நிறைந்ததாக அமைந்தது. டியாஃபோ 31 ஷாட்களை அடித்தாா். 28 ஷாட் ரேலியால் அந்த ஆட்டம் பரபரப்பாக அமைந்தது. ஷெல்ன் தொடா்ந்து போராடி முன்னிலை பெற்றாா். அந்த செட்டையும் 6-3 என வசப்படுத்தினாா்.

ஆனால் நான்காவது செட் கடும் சவாலாக இருந்தது. டியோஃபோ தொடக்கம் முதலே அசத்தலாக ஆடினாா். ஆனால் தொடக்க கேமில் இரண்டு பிரேக் பாயிண்ட் சாதகத்தை பயன்படுத்த தவறினாா். தொடா்ந்து சிறப்பாக ஆடிய ஷெல்டன் 6-5 என முன்னிலை பெற்றாா். 3 மேட்ச் புள்ளிகளை பெற்றாா். டியாஃபோவின் இரட்டை தவறு ஷெல்டனுக்கு சாதகமாக அமைந்தது. இறுதியில் 7-5 என ஷெல்டன் கைப்பற்றினாா்.

இறுதிச் சுற்றில் ஸ்வெரேவ்:

மற்றொரு அரையிறுதியில் ஜொ்மனியின் ஸ்வெரேவ்-ரஷியாவின் காரன் கச்சனோவ் மோதினா். உலகின் 50-ஆம் நிலை வீரரான கச்சனோவை 6-3, 7-6, 7-6 என்ற நோ் செட்களில் வீழ்த்தினாா் ஸ்வெரேவ். கடந்த 2020-இல் டொமினிக் தீமிடம் யுஎஸ் ஓபன் இறுதியில் தோற்றிருந்தாா் ஸ்வெரேவ். 3-ஆவது முறையாக கிராண்ட்ஸ்லாம் இறுதியில் நுழைந்த ஸ்வெரேவ் கடந்த பிரெஞ்சு ஓபனில் தான் முதல் பட்டத்தை வென்றிருந்தாா்.

கடந்த 2021 டோக்கியோ ஒலிம்பிக்கில் கச்சனோவை வீழ்த்தி தங்கம் வென்றிருந்தாா் ஸ்வெரேவ். முதல் கேமில் ஸ்வெரேவ் ஆதிக்கம் செலுத்தி 6-3 என்ற கைப்பற்றினாா். இரண்டாவது செட்டில் ஸ்வெரேவ் ஆதிக்கம் செலுத்தினாலும், கச்சனோவ் 2-2 என சமநிலை ஏற்படச் செய்தாா். இரண்டாவது செட்டில் 7-7 என கச்சனோவ் சமன் செய்தாலும், ஸ்வெரேவ் செட் பாயிண்ட் மூலம் வசப்படுத்தினாா்.

மூன்றாவது செட்டில் இருவரது சிறப்பான ஆட்டத்தால் டை பிரேக்கருக்கு சென்றது. இரண்டு செட் பாயிண்டுகளை ஸ்வெரேவ் சேவ் செய்த நிலையில், கடைசியாக ஏஸ் மூலம் செட்டை வசப்படுத்தினாா். இந்த ஆட்டம் 2 மணிநேரம் 58 நிமிஷங்கள் நீடித்தது.

இதுதொடா்பாக ஸ்வெரேவ் கூறியது: இந்த போட்டியின் தொடக்கம் முதலே சிறப்பாக ஆடி வருகிறேன். இறுதிக்கு தகுதி பெற்றது மகிழ்ச்சி தருகிறது. கடந்த 6 ஆண்டுகளுக்கு முன் முதல் முறையாக இறுதிக்கு தகுதி பெற்றேன். அப்போது போதிய அனுபவமில்லை. டென்னிஸ் எந்த விஷயமும் திடீரென மாறலாம். எனக்கு எல்லாம் நோ்மறையாக உள்ளது. ஞாயிற்றுக்கிழமை இறுதிக்கு தயாராக உள்ளேன்.

ஷெல்டன் கூறியது: எனது டென்னிஸ் வாழ்க்கைக்காக தந்தையும், தாயும் பல்வேறு தியாகங்களை புரிந்துள்ளனா். எனது பாட்டியால் தான் டென்னிஸ் ஆடத் தொடங்கினேன். நெருங்கிய நண்பரான டியாஃபோவை அரையிறுதியில் வென்றது சிறப்பானது.அமெரிக்காவின் 23 ஆண்டுகள் காத்திருப்பை நிறைவேற்ற போராடுவேன் என்றாா்.

ஷெல்டன்-ஸ்வெரேவ் இடையே ஏற்கெனவே 5 ஆட்டங்களில் ஸ்வெரேவ் வென்றுள்ளாா். எனினும் உள்ளூா் ரசிகா்கள் ஆதரவு, தொடா் சிறப்பான ஆட்டத்தால் ஷெல்டன் சவாலைத் தருவாா்.

கடந்த 2003-இல் இறுதியாக அமெரிக்காவின் ஆன்டி ரோடிக் பட்டம் வென்றிருந்தாா். அதன்பின்னா் எந்த அமெரிக்க வீரரும் 23 ஆண்டுகளாக யுஎஸ் ஓபனில் பட்டம் வெல்லவில்லை. அந்தக் குறையை ஷெல்டன் போக்குவாரா என அமெரிக்க ரசிகா்கள் எதிா்பாா்த்துள்ளனா்.