நாளை தமிழகம், புதுச்சேரியில் பலத்த மழைக்கு வாய்ப்பு

தமிழகம் மற்றும் புதுச்சேரியில் சனிக்கிழமை ஓரிரு இடங்களில் பலத்த மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
வெப்பச் சலனம் காரணமாக தமிழகம் மற்றும் புதுச்சேரியில் ஒருசில இடங்களில் அடுத்த 24 மணி நேரத்தில் மழை பெய்ய வாய்ப்புள்ளது. 
சென்னையில் பொதுவாக வானம் மேகமூட்டமாகக் காணப்படும். ஒருசில இடங்களில் லேசான மழைக்கு வாய்ப்பு உள்ளது. தமிழகம் மற்றும் புதுச்சேரியில் சனிக்கிழமை ஓரிரு இடங்களில் பலத்த மழை பெய்ய வாய்ப்பு உள்ளது என்றார் அவர்.
ஆம்பூரில் 50 மி.மீ.: தமிழகத்தில் வியாழக்கிழமை காலை 8.30 மணி வரையிலான கடந்த 24 மணி நேரத்தில், வேலூர் மாவட்டம் ஆம்பூரில் 50 மி.மீ., ஆலங்காயம், சேலம் மாவட்டம் வாழப்பாடியில் தலா 40 மி.மீ., வேலூர் மாவட்டம் வாணியம்பாடி திருப்பத்தூர், திருவண்ணாமலை மாவட்டம் போளூரில் தலா 30 மி.மீ. மழை பதிவாகியுள்ளது.