தவெகவில் இணைந்த அதிமுக முன்னாள் அமைச்சர்கள் 4 பேர்!

அதிமுக முன்னாள் அமைச்சர்கள் 4 பேர் உள்பட முன்னாள் எம்எல்ஏக்கள் சுமார் 10 பேர் தவெகவில் இணைந்தனர்.

சென்னை பனையூர் தவெக அலுவலகத்தில் நடைபெற்ற நிகழ்வில் கட்சியின் பொதுச் செயலர் என். ஆனந்த் முன்னிலையில் அதிமுக முன்னாள் அமைச்சர்கள் உடுமலை ராதாகிருஷ்ணன், எம்.சி. சம்பத், கடம்பூர் ராஜூ, பல்லடம் எம்எஸ்எம் ஆனந்தன் ஆகியோர் இன்று தவெகவில் இணைந்தனர்.

இவர்கள் தவிர அதிமுக முன்னாள் எம்எல்ஏக்கள், அதிமுகவில் பல்வேறு அமைப்புகளைச் சேர்ந்தவர்கள் என 500-க்கும் மேற்பட்டோர் இன்று தவெகவில் இணைந்துள்ளதாகத் தகவல் தெரிவிக்கப்பட்டுள்ளது. அதிமுகவில் இருந்து தொடர்ச்சியாக பலரும் தவெகவில் இணைந்து வருவது அரசியல் பரபரப்பை ஏற்படுத்தியுள்ளது.

அண்மையில் அதிமுகவைச் சேர்ந்த 4 எம்எல்ஏக்கள் பதவியை ராஜிநாமா செய்துவிட்டு தவெகவில் இணைந்தது குறிப்பிடத்தக்கது.