தினமணி மாணவர் மலர்! உயர்கல்வித் துறை அமைச்சர் பெ. விஸ்வநாதன் வெளியிட்டார்!

தினமணியின் மாணவர் மலரை தமிழ்நாடு உயர்கல்வித் துறை அமைச்சர் பெ. விஸ்வநாதன் புதன்கிழமை வெளியிட்டார்.

'தினமணி'யின் மாணவர் மலர் அறிமுக - வெளியீட்டு விழா, சென்னையில் புதன்கிழமை நடைபெற்றது.

சென்னை, டி.ஜி. வைஷ்ணவா கல்லூரி வளாகத்தில் நடைபெற்ற விழாவில் மலரைத் தினமணி ஆசிரியர் கி. வைத்தியநாதன் அறிமுகம் செய்து பேசினார்.

மலரை உயர்கல்வித் துறை அமைச்சர் பெ. விஸ்வநாதன் வெளியிட்டுச் சிறப்புரையாற்றினார். மலரை தி நியூ இந்தியன் எக்ஸ்பிரஸ் குழுமத்தின் தலைவர் - மேலாண் இயக்குநர் மனோஜ் குமார் சொந்தாலியா பெற்றுக்கொண்டார்.

விழாவுக்குக் கல்லூரிச் செயலர் அசோக் குமார் முந்த்ரா தலைமை வகித்தார்.

தொடக்கத்தில் கல்லூரி முதல்வர் எஸ். சந்தோஷ் பாபு வரவேற்றார். நிறைவில் தி நியூ இந்தியன் எக்ஸ்பிரஸ் குழும தலைமைச் செயல் அலுவலர் லட்சுமி மேனன் நன்றி கூறினார்.