2% சரிவைக் கண்ட வீடுகள் விற்பனை

இந்தியாவின் எட்டு முக்கிய நகரங்களில் கடந்த ஜனவரி-ஜூன் அரையாண்டில் வீடுகள் விற்பனை 2 சதவீதம் சரிந்துள்ளது.

இது குறித்து வீடு-மனை ஆலோசனை நிறுவனமான நைட் ஃபிராங்க் வெளியிட்டுள்ள அறிக்கையில் தெரிவிக்கப்பட்டுள்ளதாவது:

நடப்பு 2025-ஆம் ஆண்டின் முதல் அரையாண்டில் (ஜனவரி-ஜூன்) சென்னை, தில்லி-என்சிஆா், மும்பை பெருநகரப் பகுதி, கொல்கத்தா, பெங்களூரு, ஹைதராபாத், புணே, அகமதாபாத் ஆகிய இந்தியாவின் எட்டு முக்கிய வீடு-மனைச் சந்தைகளில் 1,70,201 வீடுகள் விற்பனையாகின.

முந்தைய 2024-ஆம் ஆண்டின் இதே அரையாண்டோடு ஒப்பிடுகையில் இது 2 சதவீதம் குறைவு. அப்போது இந்த எட்டு முக்கிய நகரங்களில் வீடுகள் விற்பனை 1,73,669-ஆக இருந்தது.

ஜனவரி-ஜூன் காலகட்டத்தில் சென்னை, ஹைதராபாத் ஆகிய நகரங்களில் வீடுகள் விற்பனை வளா்ச்சியைக் கண்டுள்ளது. சென்னையில் அவற்றின் விற்பனை 12 சதவீதம் உயா்ந்து 8,935-ஆகவும், ஹைதராபாதில் 3 சதவீதம் அதிகரித்து 19,048-ஆகவும் உள்ளது. முந்தைய 2024-ஆம் ஆண்டின் முதல் ஆறு மாதங்களில் இந்த எண்ணிக்கை முறையே 7,983 மற்றும் 18,478-ஆக இருந்தது.

மதிப்பீட்டுக் அரையாண்டில் மும்பை பெருநகரப் பகுதியில் 47,035 வீடுகள் விற்பனையாகின. இருந்தாலும், முந்தைய ஆண்டின் இதே அரையாண்டோடு ஒப்பிடுகையில் இதில் மாற்றமில்லை. அப்போதும் அந்த நகரில் வீடுகள் விற்பனை 47,035-ஆக இருந்தது.

2024-ஆம் ஆண்டின் ஜனவரி-ஜூன் அரையாண்டோடு ஒப்பிடுகையில் வீடுகள் விற்பனை புணேயில் 1 சதவீதம் குறைந்து 24,329-ஆகவும், பெங்களூரில் 3 சதவீதம் சரிந்து 26,599-ஆகவும், தில்லி-என்சிஆரில் 8 சதவீதம் குறைந்து 26,795-ஆகவும் உள்ளது.

அகமதாபாதில் கடந்த நிதியாண்டின் ஜனவரி-ஜூன் அரையாண்டில் 9,370-ஆக இருந்த வீடுகள் விற்பனை, நடப்பு நிதியாண்டின் அதே அரையாண்டில் மாற்றமின்றி 9,370-ஆக உள்ளது. அதேபோல், கொல்கத்தாவில் வீடுகள் விற்பனை 11 சதவீதம் குறைந்து 8,090-ஆக உள்ளது. முந்தைய ஆண்டின் இதே அரையாண்டில் இந்த எண்ணிக்கை 9,087-ஆக இருந்தது.

புதிய வீடுகளின் விநியோகமும் இந்த அரையாண்டில் குறைந்து 1,60,000-ஆக உள்ளது. முந்தைய ஆண்டின் இதே அரையாண்டில் இது 1,70,000-ஆக இருந்தது. விலை உயா்வு மற்றும் புதிய திட்டங்களின் குறைவு ஆகியவை வாங்குபவா்களை எச்சரிக்கையாக இருக்கச் செய்துள்ளன என்று அந்த அறிக்கையில் தெரிவிக்கப்பட்டுள்ளது.