வீழ்ச்சிக்குப் பிறகு எழுச்சி பாதையில் இந்திய பங்குச் சந்தை!

மும்பை: கடுமையான சரிவுக்குப் பிறகு, முன்னணி வங்கி, எண்ணெய் மற்றும் எரிவாயு மற்றும் வாகனத் துறைப் பங்குகளில் காணப்பட்ட, மதிப்பு சார்ந்த கொள்முதலை அடுத்த, இன்றைய வர்த்தகத்தில், முக்கிய பங்குச் சந்தை குறியீடுகளான சென்செக்ஸ் மற்றும் நிஃப்டி ஆகியவை மீண்டன.

பங்குச் சந்தை நிலையற்ற தன்மையுடன் வர்த்தகமான நிலையில், சமீபத்திய சரிவுக்குப் பிறகு தேர்ந்தெடுக்கப்பட்ட பங்குகளில் ஏற்பட்ட கொள்முதலை தொடர்ந்து, பங்குச் சந்தை நேர்மறையான போக்கில் பயணித்தது ஏற்றம் கண்ட நிலையில், ஒரு சிறிய எல்லைக்குள்ளேயே கட்டுப்படுத்தப்பட்டிருந்தது.

30 பங்குகளைக் கொண்ட சென்செக்ஸ் 315.20 புள்ளிகள் உயர்ந்து 73,895.74 புள்ளிகளாக நிறைவடைந்தன. இதில் 19 பங்குகள் ஏற்றத்துடனும், 11 பங்குகள் சரிவுடனும் வர்த்தகமான நிலையில், அதிகபட்சமாக 73,968.05 புள்ளிகளையும், குறைந்தபட்சமாக 73,477.77 புள்ளிகளையும் தொட்ட நிலையில் 490.28 புள்ளிகள் ஏற்ற இறக்கத்தைச் சந்தித்தது.

50 பங்குகளைக் நிஃப்டி 77.40 புள்ளிகள் உயர்ந்து 23,140.50 புள்ளிகளாக நிலைபெற்றது. நிஃப்டி-யில் இன்று 34 பங்குகள் ஏற்றம் கண்ட நிலையில், 15 பங்குகள் சரிவுடன் முடிவடைந்த நிலையில் ஒரு பங்கு மட்டும் மாற்றமின்றி இருந்தது.

சென்செக்ஸில், ஆக்சிஸ் வங்கி அதிகபட்சமாக 2.82 சதவீதமும், மஹிந்திரா & மஹிந்திரா 2.24 சதவீதமும், ஏசியன் பெயின்ட்ஸ் 1.93 சதவீதமும், பஜாஜ் ஃபைனான்ஸ் 1.21 சதவீதமும், ஹெச்சிஎல் டெக் 1.17 சதவீதமும், டைட்டன் 1.01 சதவீதமும் ஏற்றம் கண்டன. மறுபுறம் ட்ரெண்ட் அதிகபட்சமாக 1.41 சதவீதம் சந்தித்தது. இதனையடுத்து இன்ஃபோசிஸ், கோடக் மஹிந்திரா வங்கி, ஐசிஐசிஐ வங்கி மற்றும் டாடா ஸ்டீல் உள்ளிட்ட பங்குகள் சரிந்தன.

ஆசிய சந்தையில், நிக்கி 225 குறியீடு உயர்ந்த நிலையில், ஹாங்காங்கின் ஹேங் செங் குறியீடு சரிவுடன் நிறைவடைந்தன. விடுமுறை காரணமாக சீனா மற்றும் தென் கொரிய பங்குச் சந்தை மூடப்பட்டிருந்தன.

ஐரோப்பாவில் சந்தை உயர்வாக வர்த்தகமான நிலையில், அமெரிக்க பங்குச் சந்தை பெரும்பாலும் சரிவுடன் முடிவடைந்தன.

உலகளாவிய 'பிரெண்ட்' கச்சா எண்ணெய் விலை 1.10 சதவீதம் குறைந்து பீப்பாய் ஒன்றுக்கு 105.4 அமெரிக்க டாலராக உள்ளது.