பெலகாவியில் செப்.15-இல் குறைதீர் முகாம்

பெலகாவியில் செப்.15-ஆம் தேதி முதல்வரின் மக்கள் குறைதீர் முகாம் நடைபெறவிருக்கிறது.
இதுகுறித்து முதல்வர் அலுவலகம் வெளியிட்ட செய்திக் குறிப்பு: மக்களின் குறைகளைக் கேட்டறிந்து, அப்பிரச்னைகளுக்கு ஆங்காங்கே தீர்வு காண்பதற்காக முதல்வரின் மக்கள் குறைதீர் முகாம் நடத்தப்படவுள்ளது.  பெலகாவி, சுவர்ண செளதாவில் உள்ள முதல்வர் அறையில் செப்.15-ஆம் தேதி மாலை 3 மணி முதல் மாலை 5 மணிவரை முதல்வர் குமாரசாமி, மக்களின் குறைகளைக் கேட்டு தீர்வு காணவிருக்கிறார். இந்த வாய்ப்பை பயன்படுத்திக் கொள்ளுமாறு பொதுமக்களைக் கேட்டுக் கொள்கிறோம் என்று அதில் கூறப்பட்டுள்ளது.