மாணவா்களுக்கான ‘உயா்வுக்குப் படி’ சிறப்பு வழிகாட்டி முகாம்

திருப்பத்தூா் மாவட்டத்தில் ‘உயா்வுக்குப் படி’ சிறப்பு வழிகாட்டி முகாம் தூய நெஞ்சக் கல்லூரியில் நடைபெற்றது.

முகாமை தொடங்கி வைத்து முதன்மைக் கல்வி அலுவலா் ஆா்.புண்ணியகோட்டி பேசியதாவது: உயா்கல்வி மாணவா் சோ்க்கையில் இந்திய அளவில் தமிழ்நாடு முதலிடத்தில் உள்ளது. அதேபோல், அரசுப் பள்ளி மாணவா்களின் உயா்கல்விச் சோ்க்கையில் மாநில அளவில் திருப்பத்தூா் மாவட்டம் முதலிடத்தில் உள்ளது.

திருப்பத்தூா் மாவட்டத்தில் 2025-26-ஆம் கல்வியாண்டில் அரசுப் பள்ளிகளில் 12-ஆம் வகுப்பு பயின்ற 6,153 மாணவா்களில் 5,749 போ் தோ்ச்சி பெற்றனா். அவா்களில் 5,609 போ் உயா்கல்வியில் சோ்ந்துள்ளனா். இதன்மூலம் தோ்ச்சி பெற்ற மாணவா்களின் உயா்கல்விச் சோ்க்கை விகிதம் 96 சதவீதமாக உள்ளது.

எஞ்சியுள்ள மாணவா்களையும் உயா்கல்வியில் சோ்த்து 100 சதவீத இலக்கை அடையும் வகையில், இதுவரை உயா்கல்வியில் சேராத 325 மாணவா்களை இலக்காகக் கொண்டு ‘உயா்வுக்குப் படி’ சிறப்பு வழிகாட்டி முகாம் நடத்தப்படுகிறது என்று அவா் பேசினாா்.

மாவட்ட வேலைவாய்ப்பு அலுவலா் கஸ்தூரி, மாவட்டக் கல்வி அலுவலா் (இடைநிலை) சத்திய பிரபா, மாவட்டத் திறன் அலுவலா் நாசியா நவுசீன் ஆகியோா் மாணவா்களுக்கு உயா்கல்வி மற்றும் வேலைவாய்ப்பு தொடா்பான பல்வேறு தகவல்களை கூறினா். உதவித் திட்ட அலுவலா் தேவசகாயம் நன்றி கூறினாா்.

திருப்பத்தூா், ஜோலாா்பேட்டை, கந்திலி ஒன்றியங்களைச் சோ்ந்த அரசு மற்றும் அரசு உதவி பெறும் பள்ளிகளில் 10, 12-ஆம் வகுப்பு படித்து தோ்ச்சி பெற்ற மற்றும் தோ்ச்சி பெறாத நூற்றுக்கும் மேற்பட்ட மாணவா்களும், அவா்களது பெற்றோா்களும் முகாமில் பங்கேற்றனா்.

முகாமில் பங்கேற்ற மாணவா்களில் 16 போ் பல்வேறு உயா்கல்விப் பிரிவுகளில் நேரடியாகச் சோ்க்கை பெற்றனா்.