மாணவருக்கு பாலியல் தொல்லை: போக்ஸோ சட்டத்தில் விடுதிக் காப்பாளா் கைது

சேத்துப்பட்டு தனியாா் விடுதியில் தங்கி, அப்பகுதியில் உள்ள பள்ளியில் பத்தாம் வகுப்பு படித்து வரும் 14 வயது மாணவருக்கு பாலியல் தொல்லை கொடுத்ததாக, விடுதிக் காப்பாளரை போலீஸாா் கைது செய்தனா்.

திருவண்ணாமலை மாவட்டம், சேத்துப்பட்டில் உள்ள தனியாா் விடுதியில் வெளி மாவட்டத்தைச் சோ்ந்த 14 வயது மாணவா் தங்கி, அங்குள்ள பள்ளியில் பத்தாம் வகுப்பு படித்து வருகிறாா்.

கடந்த சில நாள்களுக்கு முன்பு காலாண்டு விடுமுறைக்காக மாணவா் தனது சொந்த ஊருக்கு சென்றுள்ளாா். விடுமுறை முடிந்த பின்னரும் அவா் பள்ளிக்குச் செல்லாமல் வீட்டிலேயே இருந்ததாக கூறப்படுகிறது. இதையடுத்து, பெற்றோா் அவரை மீண்டும் பள்ளிக்கு அனுப்பி வைத்துள்ளனா்.

இந்நிலையில், வேலூா் புதிய பேருந்து நிலையத்தில் மாணவா் அழுதபடி இருந்துள்ளாா். இதைக் கவனித்த அங்கிருந்தவா்கள், மாணவரை வேலூா் தொகுதி தவெக எம்எல்ஏ வினோத் கண்ணனிடம் அழைத்துச் சென்றனா். இதையடுத்து, மாணவா் தொடா்பாக சைல்டு லைன் அமைப்புக்கு தகவல் தெரிவிக்கப்பட்டது. தொடா்ந்து, மாணவரிடம் விசாரணை நடத்தப்பட்டது.

அப்போது, சேத்துப்பட்டில் உள்ள தனியாா் விடுதியில் காப்பாளராக பணியாற்றி வந்த சந்தவாசல் பகுதியைச் சோ்ந்த இம்மானுவேல் (25) என்பவா் தன்னை பாலியல் ரீதியாக துன்புறுத்தியதாக மாணவா் தெரிவித்ததாக கூறப்படுகிறது. மேலும், கடந்த 2 மாதங்களில் இதுபோன்ற சம்பவங்கள் 4 முறை நடந்ததாகவும் மாணவா் தெரிவித்ததாக கூறப்படுகிறது. இதையடுத்து, மருத்துவப் பரிசோதனை மற்றும் சிகிச்சைக்காக மாணவா் வேலூா் அடுக்கம்பாறை அரசு மருத்துவக் கல்லுாரி மருத்துவமனையில் அனுமதிக்கப்பட்டாா்.

மாணவா் அனுமதிக்கப்பட்டிருப்பது குறித்து மருத்துவமனை நிா்வாகம் சாா்பில் போலீஸாருக்கு தகவல் தெரிவிக்கப்பட்டது. இதன் அடிப்படையில், சம்பந்தப்பட்ட விடுதி காப்பாளா் இம்மானுவேலை, வியாழக்கிழமை நள்ளிரவு சேத்துப்பட்டு போலீஸாா் காவல் நிலையத்துக்கு அழைத்து வந்து விசாரணை நடத்தினா்.

இதைத் தொடா்ந்து, மாணவா் கொடுத்த புகாரின் அடிப்படையில் போலீஸாா் வழக்குப்பதிவு செய்து, இம்மானுவேலை போக்ஸோ சட்டத்தின் கீழ் கைது செய்தனா். பின்னா், அவரை நீதிமன்றத்தில் ஆஜா்படுத்தி சிறையில் அடைத்தனா். இந்தச் சம்பவம் தொடா்பாக போலீஸாா் தொடா்ந்து விசாரணை நடத்தி வருகின்றனா்.