கைத்தறி தின சிறப்பு கண்காட்சி, இலவச மருத்துவ முகாம் தொடக்கம்

தேசிய கைத்தறி தினத்தையொட்டி கைத்தறி துறை சாா்பில் முத்துரில்சிறப்பு கைத்தறி கண்காட்சி மற்றும் இலவச மருத்துவ முகாம் நடைபெற்றது.

சிறப்பு மாவட்ட வருவாய் அலுவலா் (பதிவுகள் சரிபாா்ப்பு) ப.காந்திமதி தொடங்கிவைத்து கண்காட்சியைப் பாா்வையிட்டாா்.

திருப்பூா் சரக கைத்தறி நெசவாளா் கூட்டுறவு சங்கங்களில் உற்பத்தி செய்யப்பட்ட காட்டன் சேலைகள், மென்பட்டு சேலைகள், கோரா காட்டன் சேலைகள், பெட்சீட், துண்டுகள், டஸ்டா் கிளாத், மிதியடிகள் போன்றவை காட்சிப்படுத்தப்பட்டிருந்தன. இக்கண்காட்சியில் அனைத்து கைத்தறி ஜவுளி ரகங்களுக்கும் 20 சதவீதம் சிறப்பு தள்ளுபடி வழங்கப்படுகிறது.

மேலும் நெசவாளா்கள் மற்றும் பொதுமக்கள் பயன்பெறும் வகையில் உதவி மருத்துவா்கள், செவிலியா்கள் மற்றும் சுகாதார ஆய்வாளா்கள் பங்கேற்ற சிறப்பு மருத்துவ முகாமும் நடைபெற்றது. இதில் கண் பரிசோதனை, பல் மருத்துவம், நீரிழிவு, ரத்த அழுத்தம், இசிஜி பரிசோதனை மற்றும் பொது மருத்துவ ஆலோசனைகள் இலவசமாக வழங்கப்பட்டன.

இதைத்தொடா்ந், நெசவாளா் முத்ரா கடன் திட்டத்தின் கீழ் 6 கைத்தறி நெசவாளா்களுக்கு தலா ரூ.50 ஆயிரம் வீதம் மொத்தம் ரூ.3 லட்சம் மதிப்பிலான கடன் தொகைக்கான உத்தரவுகளை சிறப்பு மாவட்ட வருவாய் அலுவலா் வழங்கினாா். 60 வயதுக்கும் மேற்பட்ட நெசவாளா்களை பொன்னாடை அணிவித்து கௌரவித்தாா்.

இந்நிகழ்ச்சியில் திருப்பூா் சரக கைத்தறி துறை உதவி இயக்குநா் ந.சுந்தரி, அரசுத் துறை அலுவலா்கள், கைத்தறி கூட்டுறவு சங்கப் பணியாளா்கள், நெசவாளா்கள், பொதுமக்கள் கலந்து கொண்டனா்.