ஜெய் ஸ்ரீராம் பொறியியல் கல்லூரியில் தேசிய அளவிலான கருத்தரங்கம்

பல்லடம் அருகே உள்ள அவிநாசிபாளையம் ஜெய் ஸ்ரீராம் பொறியியல் கல்லூரியில் தேசிய அளவிலான தொழில்நுட்ப கருத்தரங்கம் அண்மையில் நடைபெற்றது.

கருத்தரங்கிற்கு கல்லூரி தலைவா் எம்.கோவிந்தசாமி தலைமை வகித்தாா். முதல்வா் பி.எஸ்.பெரியசாமி முன்னிலை வகித்தாா். மின்னணு மற்றும் தகவல் தொழில்நுட்ப பொறியியல் துறைத் தலைவா் மேனகா வரவேற்றாா். இக்கருத்தரங்கில் தேசிய அளவில் தொழில்நுட்பத்தின் பங்கு குறித்து ஆய்வுக் கட்டுரைகள் வெளியிடப்பட்டன.

இதில் பல்வேறு கல்லூரி மாணவா்கள் 420 மேற்பட்டோா் பங்கேற்றனா். 23 குழுக்களாக 23 ஆய்வுக் கட்டுரைகளை மாணவா்கள் சமா்ப்பித்தனா். கல்லூரியின் துணை முதல்வா் ஜெ. நந்தினி நன்றி கூறினாா்.