ஒகேனக்கல்லுக்கு நீா்வரத்து 4,000 கனஅடியாக அதிகரிப்பு

ஒகேனக்கல் காவிரி ஆற்றில் நீா்வரத்து திங்கள்கிழமை விநாடிக்கு 4,000 கனஅடியாக அதிகரித்தது.

இருமாநில காவிரிக் கரையோர நீா்ப்பிடிப்புப் பகுதிகளில் பெய்துவரும் மழை அளவை பொறுத்து ஒகேனக்கல்லுக்கு நீா்வரத்து அதிகரிப்பதும், குறைவதுமாக இருந்து வருகிறது.

இந்த நிலையில் காவிரி ஆற்றில் நீா்வரத்து ஞாயிற்றுக்கிழமை நிலவரப்படி விநாடிக்கு 2,000 கனஅடியாக இருந்தது, திங்கள்கிழமை காலை விநாடிக்கு 3,000 கனஅடியாகவும், மாலையில் 4,000 கனஅடியாகவும் அதிகரித்தது.

இதனால், ஒகேனக்கல் அருவிகளில் விழும் நீரின் அளவு சற்று அதிகரித்துள்ளது. காவிரி ஆற்றில் நீா்வரத்தை தமிழக, கா்நாடக எல்லையான பிலிகுண்டுலுவில் மத்திய நீா்வளத் துறை அதிகாரிகள் கண்காணித்து வருகின்றனா்.