அங்கன்வாடியில் குழந்தையிடம் நகை திருட்டு: பெண் கைது

கெங்கவல்லி அருகே அங்கன்வாடி மையத்தில் குழந்தை அணிந்திருந்த தங்க நகையை திருடிச் சென்ற பெண்ணை போலீஸாா் வெள்ளிக்கிழமை கைது செய்தனா்.

கெங்கவல்லி அருகே வீரகனூா் தெற்குமேடை சோ்ந்தவா் பிரபாகரன். இவரது பெண் குழந்தை சன்னித்தா (3), தென்கரையில் உள்ள அங்கன்வாடிக்கு சென்று வருகிறாா். இந்த நிலையில் அங்கன்வாடி மையத்தில் குழந்தையை வெள்ளிக்கிழமை அவரது தாய் விட்டுவிட்டு சென்றாா்.

பின்னா், சிறிது நேரத்தில் குழந்தை அணிந்திருந்த தோடு காணவில்லை என அங்கன்வாடி உதவியாளா் அளித்த தகவலின் பேரில், குழந்தையின் தாய் சுகன்யா வீரகனூா் காவல் நிலையத்தில் புகாா் அளித்தாா். அதன்பேரில் போலீஸாா் நடத்திய விசாரணையில் மாதேஸ்வரன் மனைவி நதியா (38) என்பவா் குழந்தை காதில் அணிந்திருந்த 2 கிராம் நகையை திருடியது தெரிந்தது. இதையடுத்து அவரை கைது செய்து நகையை மீட்டனா்.