காவல் ஆய்வாளரிடம் 8 பவுன் நகை திருட்டு

மதுரையில் பேருந்தில் பயணம் செய்த காவல் ஆய்வாளரிடம் 8 பவுன் நகையை அடையாளம் தெரியாத நபர்கள் திருடிச்சென்றது குறித்து போலீஸார் புதன்கிழமை வழக்குப்பதிந்து, விசாரித்து வருகின்றனர்.
மதுரையில் தமிழ்நாடு சிறப்புக் காவல் படை 6-ஆவது பட்டாலியனில் காவல் ஆய்வாளராக பணிபுரிபவர் கோவிந்தராஜன் (45). இவர், கடந்த 27-ஆம் தேதி அருப்புக்கோட்டையில் இருந்து மாட்டுத்தாவணி எம்ஜிஆர் பேருந்து நிலையத்துக்கு பேருந்தில் பயணம் செய்துள்ளார். பேருந்தில் நிலையத்தில் வந்து இறங்கியபோது, கோவிந்தராஜனின் பையில் இருந்த 8 பவுன் சங்கிலியை அடையாளம் தெரியாத நபர்கள் திருடிச்சென்றது தெரியவந்தது. இச்சம்பவம் தொடர்பாக கோவிந்தராஜன் அளித்த புகாரின்பேரில் அண்ணாநகர் போலீஸார் வழக்குப்பதிந்து, விசாரித்து வருகின்றனர்.