நிகழாண்டு பருவமழை கை கொடுக்குமா? திருவாடானை விவசாயிகள் எதிர்பார்ப்பு
திருவாடானை பகுதியில் இந்த ஆண்டாவது பருவமழை கை கொடுக்குமா என விவசாயிகள் எதிர்பார்த்து ஏக்கத்துடன் காத்திருக்கின்றனர்.
திருவாடானை பகுதியில் இந்த ஆண்டாவது பருவமழை கை கொடுக்குமா என விவசாயிகள் எதிர்பார்த்து ஏக்கத்துடன் காத்திருக்கின்றனர்.
ராமநாதபுரம் மாவட்டம் திருவாடானை தாலுகா மாவட்டத்திலேயே அதிக அளவில் நெல் உற்பத்தி செய்யப்படும் பகுதியாகும். தாலுகாவில் சுமார் 42 ஆயிரம் ஹெக்டேரில் சம்பா பட்டத்தில் ஒவ்வொரு ஆண்டும் நெல் சாகுபடி செய்யப்படுகிறது. இதனால் இந்த தாலுகாவை மாவட்டத்தின் நெற்களஞ்சியம் என அழைக்கின்றனர்.
நெல் விவசாயத்தில் சிறப்பு பெற்ற இப்பகுதி கடந்த இரண்டு ஆண்டுகளாக தொடர் வறட்சியால் விவசாயம் முழுவதும் பாதிக்கப்பட்டு விவசாயிகள் கடுமையான மன உளைச்சலில் இருந்து வருகின்றனர்.
சென்ற ஆண்டு ஏற்பட்ட பயிர் இழப்புக்கு பிரதமரின் பயிர் காப்பீட்டுத் திட்டத்தில் இன்னும் இழப்பீடு வழங்கப்படவில்லை.
இந்நிலையில் இந்த ஆண்டுக்கான விவசாய காலம் துவங்கி விட்டது. பல கிராமங்களில் இன்னும் வயல்களை உழவு செய்யாமல் அப்படியே போட்டு உள்ளனர். வடகிழக்கு பருவமழை போதிய அளவு பெய்தால் மட்டுமே நெல் விவசாயம் கைகொடுக்கும். அதற்கு முன்பாக சிறிய அளவில் பெய்யும் மழையைக் கொண்டு இப்பகுதி விவசாயிகள் நேரடி நெல் விதைப்பு செய்து முடித்து விடுவார்கள். ஆகஸ்ட் மாதம் நேரடி நெல் விதைப்பு செய்து முடித்து விடுவது வழக்கம்.
ஆனால் இந்த ஆண்டு செப்டம்பர் மாதம் பிறந்து பல நாள்கள் ஆகிவிட்ட நிலையில் இன்னும் சிறிதளவிலான மழை கூட பெய்யாததால் நேரடி நெல் விதைப்பு செய்யாமல் பல ஊர்களில் நிலங்கள் தரிசாகவே கிடக்கின்றன. இதுகுறித்து திருவாடானை பகுதி விவசாயிகள் கூறுகையில், மாவட்டத்திலேயே அதிக அளவில் உற்பத்தி செய்யப்படும் இந்த தாலுகாவில் முழுக்க நெல் விவசாயத்தை மட்டுமே நம்பி இருக்கிறோம். பருவமழை கடந்த இரண்டு ஆண்டுகளாக பொய்த்துப் போய்விட்டது. இந்த ஆண்டும் இதுவரை சரியான அளவில் மழை பெய்யவில்லை. இதனால் விவசாயத்தின் ஆரம்ப கட்டமான நேரடி நெல் விதைப்பு பணியை கூட செய்ய முடியவில்லை.
மேலும் கடந்த ஆண்டுக்கு உரிய பயிர் இழப்பீடு தொகை வழங்கப்படாததால் விதை நெல் வாங்க கூட வழியில்லாமல் தவித்து வருகிறோம். எனவே அரசு கூடிய விரைவில் இழப்பீடு வழங்கினால் மட்டுமே இந்த ஆண்டுக்கான விவசாயத்தை
செய்ய முடியும். இன்னும் சில நாள்களில் மழை பெய்யாவிட்டால் விவசாயிகளின் நிலை மோசமாகிவிடும். இன்னும் ஒரு சில நாட்களில் மழை பெய்து விடும் என்ற நம்பிக்கையில் காத்திருக்கிறோம் என்றனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.