லாரி மோதி விபத்து:  மருத்துவ மாணவர் சாவு

மதுரை அருகே இருசக்கர வாகனம் மீது லாரி மோதிய விபத்தில் மருத்துவ மாணவர் சம்பவ இடத்திலேயே புதன்கிழமை உயிரிழந்தார்.
தருமபுரி மாவட்டம் கடத்தூரைச் சேர்ந்த சுப்புராஜ் மகன் செல்லத்துரை (23). இவர், சிவகங்கையில் உள்ள அரசு மருத்துவக் கல்லூரியில் எம்பிபிஎஸ் படித்து வந்தார். இந்நிலையில், செல்லத்துரை சிவகங்கையில் இருந்து மதுரைக்கு புதன்கிழமை மாலை இரு சக்கர வாகனத்தில் சென்றுள்ளார். 
 கருப்பாயூரணி அருகே சென்றபோது, அவ்வழியாகச் சென்ற மணல் லாரி, இருசக்கர வாகனம் மீது மோதியது. இதில், பலத்த காயமடைந்த செல்லத்துரையி சம்பவ இடத்திலேயே உயிரிழந்தார். இதுதொடர்பாக கருப்பாயூரணி போலீஸார் வழக்குப்பதிந்து, விசாரித்து வருகின்றனர்.