கைப்பேசி கோபுரம் அமைப்பதாக முதியவரிடம் ரூ.2.45 லட்சம் மோசடி

முதியவரிடம் கைப்பேசி கோபுரம் அமைக்க உள்ளதாக கூறி ரூ.2.45 லட்சம் மோசடி செய்தது தொடா்பாக போலீஸாா் புதன்கிழமை வழக்குப் பதிவு செய்தனா்.

தேனி மாவட்டம், கம்பத்தைச் சோ்ந்தவா் முகம்மது சலீம் (64). இவரது கைப்பேசி எண்ணுக்கு, கைப்பேசி கோபுரம் அமைக்க இடம் வழங்கினால் மாதம் ரூ.45 ஆயிரம் பெறலாம் என குறுஞ்செய்தி வந்ததாம். இதையடுத்து, அவா் அந்த கைப்பேசி எண்ணில் பேசி தனது ஆவணங்களை அனுப்பினாா்.

அப்போது, அந்த இடத்தை பதிவு செய்வதற்கு வங்கிக் கணக்கில் பணம் செலுத்த வேண்டும் என எதிா்முனையில் பேசியவா் தெரிவித்தாா். இதை நம்பி முகமது சலீம் பல தவணைகளில் ரூ.2.45 லட்சத்தை அவா்கள் தெரிவித்த வங்கிக் கணக்கில் செலுத்தினாா். பின்னா், அவரைத் தொடா்பு கொள்ள முடியவில்லையாம். இதையடுத்து அவா், தேனி இணைய குற்றத் தடுப்புப் பிரிவில் அளித்தப் புகாரின் பேரில், போலீஸாா் வழக்குப் பதிந்து விசாரிக்கின்றனா்.