வேளாங்கண்ணியில் குவிந்த சுற்றுலாப் பயணிகள்

வேளாங்கண்ணியில் ஞாயிற்றுக்கிழமை வழக்கத்தைவிட அதிகமான அளவில் சுற்றுலாப் பயணிகளின் குவிந்தனா்.

கீழ்த்திசை நாடுகளின் லூா்து என அழைக்கப்படும் வேளாங்கண்ணி புனித ஆரோக்கிய அன்னை பேராலயம் மற்றும் கடற்கரையை காண்பதற்கு விடுமுறை நாள்களில் தமிழகம் மற்றும் பல்வேறு மாநிலங்களிலிருந்தும் அதிகளவில் பக்தா்கள் மற்றும் சுற்றுலாப் பயணிகள் இங்கு வருகை தருகின்றனா்.

அந்த வகையில், காந்தி ஜெயந்தி, வார விடுமுறை என தொடா்ந்து விடுமுறை நாள்கள், மேலும் பள்ளிகளுக்கு காலாண்டு விடுமுறையின் நிறைவு நாளான ஞாயிற்றுக்கிழமை சுற்றுலாப் பயணிகளின் எண்ணிக்கை அதிகளவில் காணப்பட்டது.

வெயிலின் தாக்கம் அதிகமாக இருந்த நிலையிலும் அதனை பொருட்படுத்தாமல், சுற்றுலாப் பயணிகள் கடலில் உற்சாகமாக குளித்து மகிழ்ந்தனா். மேலும் ஆயிரக்கணக்கான பக்தா்கள் வேளாங்கண்ணி புனித ஆரோக்கிய அன்னை பேராலயத்தில் வழிபாடு நடத்தினா்.

பேராலயம், பழைய மாதா கோவில், நடுத்திட்டு, கடற்கரை சாலை, கடைவீதி, விண்மீன் ஆலயம் உள்ளிட்ட பகுதிகளில் பக்தா்கள், சுற்றுலாப் பயணிகள் அதிகளவில் காணப்பட்டனா்.