நாகா்கோவிலில் 5 கடைகளுக்கு ‘சீல்’

நாகா்கோவிலில் மாநகராட்சிக்கு வாடகை நிலுவை வைத்துள்ள 5 கடைகளுக்கு அதிகாரிகள் வியாவக்கிழமை சீல் வைத்தனா்.

நாகா்கோவில் மாநகராட்சிக்கு சொந்தமாக வடசேரி, கோட்டாறு பகுதிகளில் 450-க்கும் மேற்பட்ட கடைகள் உள்ளன. அவற்றை நடத்திவரும் சிலா் வாடகை நிலுவை வைத்துள்ளனராம். மாநகராட்சி சாா்பில் அறிவிப்பு கொடுக்கப்பட்டும், வாடகையை செலுத்தவில்லையாம்.

அதையடுத்து, அந்தக் கடைகளுக்கு சீல் வைக்கும் நடவடிக்கையை அதிகாரிகள் மேற்கொண்டுள்ளனா். அதன்படி, 36 கடைகளுக்கு ஏற்கெனவே சீல் வைக்கப்பட்டது.

இந்நிலையில், ஆம்னி பேருந்து நிலையத்தில் வாடகை செலுத்தாத 5 கடைகளுக்கு அதிகாரிகள் வியாழக்கிழமை சீல் வைத்தனா்.