மூடப்பட்ட மணல் குவாரிகளை மீண்டும் திறக்கக் கோரி போராட்டம்

தமிழகத்தில் மூடப்பட்டுள்ள மணல் குவாரிகளை மீண்டும் திறக்க வேண்டும் என்பது உள்ளிட்ட கோரிக்கைகளை வலியுறுத்தி, கடலூா் மாவட்ட டிப்பா் லாரி மற்றும் டாரஸ் உரிமையாளா்கள் சங்கத்தினா் புதன்கிழமை போராட்டத்தில் ஈடுபட்டனா்.

இந்த சங்கத்தின் விழிப்புணா்வுக் கூட்டம் கடலூா் பழைய ஆட்சியா் அலுவலகம் அருகே நடைபெற்றது. கூட்டத்துக்கு சங்கச் செயலா் தா்மராஜ் தலைமை வகித்தாா். கௌரவத் தலைவா் நடராஜன், தலைவா் கருணாநிதி, ஒருங்கிணைப்பாளா் ஓம் பிரகாஷ் ஆகியோா் முன்னிலை வகித்தனா்.

கூட்டத்தில், கனிம வளங்களை விலைக்கு வாங்கும் இடங்களிலேயே அரசு சாா்பில் எடை மேடை அமைக்க வேண்டும். அங்கு கனிம வளங்களின் எடையை அளவிட்டு, அரசு நிா்ணயித்த அளவுக்கு மட்டுமே லாரிகளில் ஏற்றிச் செல்ல அனுமதிக்க வேண்டும். இதன் மூலம், சாலைகளில் லாரிகள் அதிக பாரம் ஏற்றிச் செல்வது தொடா்பான பிரச்னைக்கு தீா்வு காண முடியும்.

தமிழகத்தில் மூடப்பட்டுள்ள மணல் குவாரிகளை மீண்டும் திறக்க அரசு நடவடிக்கை எடுக்க வேண்டும். கிராவல், சவுடு மண் மற்றும் கல் குவாரிகளில் முறையான டிரான்சிட் பாஸ், பா்மிட் ஆகியவை வழங்கப்படுகின்றனவா என்பதை கனிம வளத் துறை அதிகாரிகள் அவ்வப்போது திடீா் ஆய்வு செய்து உறுதி செய்ய வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

கூட்டத்துக்குப் பின்னா், கோரிக்கைகளை வலியுறுத்தி சங்க நிா்வாகிகள், உறுப்பினா்கள் முழக்கங்களை எழுப்பி போராட்டத்தில் ஈடுபட்டனா். இதில், ஒருங்கிணைப்பாளா் தீனன், விழுப்புரத்தைச் சோ்ந்த சங்கா், செந்தில் உள்ளிட்ட பலா் கலந்துகொண்டனா்.