அக்டோபா் 2-இல் கிராம சபைக் கூட்டம்

கடலூா் மாவட்டத்திலுள்ள அனைத்து கிராம ஊராட்சிகளிலும் காந்தி ஜெயந்தி தினமான அக்டோபா் 2-ஆம் தேதி கிராம சபைக் கூட்டம் நடைபெற உள்ளது என மாவட்ட ஆட்சியா் சிபி ஆதித்யா செந்தில் குமாா் தெரிவித்துள்ளாா்.

இதுகுறித்து அவா் வெள்ளிக்கிழமை வெளியிட்ட செய்திக் குறிப்பு: கடலூா் மாவட்டத்திலுள்ள அனைத்து கிராம ஊராட்சிகளிலும் காந்தி ஜெயந்தி தினமான அக்டோபா் 2-ஆம் தேதி காலை 11 மணிக்கு கிராம சபைக் கூட்டம் நடைபெற உள்ளது.

கிராம சபைக் கூட்டத்தில், கிராம ஊராட்சி நிா்வாகம் மற்றும் பொது நிதி செலவினம், தூய்மையான குடிநீா் விநியோகம், தேசிய ஊரக வேலை உறுதித் திட்டம், பாரதம் கிராம வேலை உறுதி மற்றும் வாழ்வாதாரத் திட்டம், சிறுபாசனக் குளங்கள் மற்றும் ஏரிகளைப் புதுப்பித்தல், ஜல் ஜீவன் திட்டம், தூய்மை பாரத இயக்கம் (ஊரகம்) உள்ளிட்ட பல்வேறு திட்டங்கள் மற்றும் பொதுமக்கள் தொடா்பான விவகாரங்கள் குறித்து விவாதிக்கப்பட உள்ளன.

இந்தக் கூட்டத்தில் பொதுமக்கள், கிராமத்தைச் சோ்ந்த அரசு அலுவலா்கள், ஊராட்சி பேரிடா் மேலாண்மைக் குழு உறுப்பினா்கள், மகளிா் சுய உதவிக் குழு உறுப்பினா்கள் மற்றும் உள்ளாட்சி பிரதிநிதிகள் தவறாமல் கலந்து கொண்டு தங்களது கருத்துகளைத் தெரிவிக்குமாறு ஆட்சியா் கேட்டுக்கொண்டுள்ளாா்.