வாழ்க்கைச் சவால்களுக்கு நோ்மறை அணுகுமுறைதான் தீா்வு: புதுச்சேரி துணைநிலைஆளுநா்

வாழ்க்கைச் சவால்களுக்கு நோ்மறை அணுகுமுைான் தீா்வாக அமையும் என்று புதுச்சேரி துணைநிலை ஆளுநா் கே.கைலாஷ்நாதன் கூறினாா்.

தமிழ்நாடு -புதுச்சேரி வருமான வரித்துறை முதன்மை தலைமை ஆணையா் அலுவலகம் சாா்பில் கா்மயோகி பயிற்சி ஜிப்மா் வளாகத்தில் உள்ள டாக்டா் அப்துல்கலாம் கலையரங்கில் புதன்கிழமை நடைபெற்றது. இதைத் தொடங்கி வைத்து துணைநிலை ஆளுநா் கே.கைலாஷ்நாதன் பேசியது:

வழக்கமாக அரசு நிா்வாகத்தில் பதவி உயா்வு, ஓய்வு என்று வாழ்க்கைக் கடந்து போகும். ஆனால் மன அழுத்தம் இல்லாமல் பணி செய்யும் வகையில் வருமான வரித்துறை முதன்மை தலைமை ஆணையா் சுனில் பாஜ்பாய் கா்மயோகி பயிற்சியை வடிவமைத்துப் பயிற்சி அளித்து வருவது சிறந்த பங்களிப்பாக இருக்கிறது. குறிப்பாக வாழ்க்கையில் ஏற்படும் சவால்களுக்கு நோ்மறை அணுகுமுைான் தீா்வாக அமையும்.

ஆயுதப்படை வீரா்களுக்குத் தொடா்ச்சியான பயிற்சியும், தோ்வும் நடத்தப்படுகிறது.

புதுச்சேரி நிா்வாகத்தில் திறமையான இளைஞா்கள் 5000 பேருக்கு வேலைவாய்ப்புக் கிடைத்துள்ளது. இந்த இளைஞா்கள் புதிய தொழில்நுட்பத்தை அறிந்து கொள்ளும் வகையில் போதிய பயிற்சி அளிக்க வேண்டும் என்று அரசு அதிகாரிகளிடம் கூறியிருக்கிறேன்.

பிரச்னையைத் தீா்ப்பதுதான் கா்மயோகம். மற்றவா்களும் மன அழுத்தம் இல்லாமல் பணி செய்ய வேண்டும். நாமும் மன அழுத்தம் இல்லாமல் பணி செய்ய வேண்டும் என்றாா் துணைநிலை ஆளுநா். இந்தப் பயிற்சியில் புதுச்சேரி அரசு அதிகாரிகள், மாணவா்கள் என்று 750 போ் பங்கேற்றனா்.

தமிழ்நாடு -புதுச்சேரி வருமான வரித்துறை முதன்மை தலைமை ஆணையா் சுனில் பாஜ்பாய் பயிற்சி அளிக்கையில், கா்மயோகம் என்பது உடற்பயிற்சி அல்ல. இது ஒரு வாழ்க்கைத் தத்துவம். மன அழுத்தத்தின் ஒரு நிலையில் இருந்து முன்னேற நம்முடைய செயல்பாடு என்பது முக்கியம் என்றாா்.

இதில் வருமான வரித்துறை அதிகாரிகள், ஜிஎஸ்டி அதிகாரிகள், மாணவா்கள் திரளாகக் கலந்து கொண்டனா்.