பா.ரஞ்சித், வெங்கட் பிரபு உள்ளிட்டோரின் இயக்கத்தில் உருவான விக்டிம்ஸ் டிரெய்லர் வெளியானது.  

ஆன்தாலஜி எனப்படும் பிரபல இயக்குநர்களின் இயக்கும் குறும்படங்களின் தொகுப்பு கடந்த சில ஆண்டுகளாக ஓடிடி தளங்களில் வெளியாகி வருகிறது. ஒரே கருத்தியல் ரீதியான குறும்படங்களை இயக்குநர்கள் இயக்குவர். 

அந்த வகையில் சிம்பு தேவன், பா.ரஞ்சித், வெங்கட் பிரபு, ராஜேஷ்.எம் இயக்கிய படங்கள் விக்டிம்ஸ் என்ற பெயரில் சோனி லிவ் ஒடிடி தளத்தில் வெளியாகவுள்ளன. இந்தப் படத்தை வெங்கட் பிரபுவின் பிளாக் டிக்கெட் கம்பெனி மற்றும் ஆக்செஸ் ஃபிலிம் நிறுவனங்கள் தயாரித்துள்ளன. 

இதையும் படிக்க | நேரடியாக ஓடிடியில் வெளியாகும் சிபி சத்யராஜின் 'வட்டம்'

இந்தப் படத்தில் நாசர், தம்பி ராமையா, நட்டி, பிரயா பவானி ஷங்கர், கலையரசன், குரு சோமசுந்தரம், பிரசன்னா, அமலா பால், கிரிஷ் உள்ளிட்டோர் முக்கிய வேடங்களில் நடித்துள்ளனர். 

இந்தப் படத்துக்கு பி.சரவணன், சக்தி சரவணன், தமிழ் ஏ அழகன் உள்ளிட்டோர் ஒளிப்பதிவு செய்துள்ளனர். சாம் சிஎஸ், பிரேம்ஜி, கணேஷ் சேகர், தென்மா உள்ளிட்டோர் இசையமைத்துள்ளனர்.