சமந்தாவின் ‘யசோதா’: ரிலீஸ் தேதி அறிவிப்பு!

ஹரி - ஹரீஷ் இயக்கத்தில் நடிகை சமந்தா நடிக்கும் திரைப்படம் யசோதா. 5 மொழிகளில் தயாராகும் இந்தத் திரைப்படத்தில் நடிகை சமந்தாவுடன் வரலட்சுமி சரத்குமார், சம்பத் ராஜ், மதுரிமா உள்ளிட்ட பலர் நடித்துள்ளனர். 

ஆக்‌ஷன் த்ரில்லர் பாணியில் உருவாகியுள்ள இந்தத் திரைப்படத்தில் நடிகை சமந்தா சிறப்பாக நடித்துள்ளதாக படக்குழு விளம்பரப்படுத்தி வருகிறது.  

சமீபத்தில் நடிகை சமந்தா யசோதா படக்குழுவினருடன் மோதலில் ஈடுபட்டதால் படம் தாமதமாகிறதென குற்றச்சாட்டு எழுந்தது.  தற்போது, சமந்தா விஜய் தேவரகொண்டாவுடன் இணைந்து குஷி படத்தில் நடித்துவருகிறார். இந்தப் படத்தின் படப்பிடிப்பு விறுவிறுப்பாக நடைபெற்றுவருகிறது.  

இந்நிலையில், யசோதா படத்தின் ரிலீஸ் தேதியை படக்குழு தெரிவித்துள்ளது. நவம்பர் 11ஆம் தேதி 5 மொழிகளில் திரையரங்குகளில் வெளியாகுமென  அதிகாரபூர்வ அறிவிப்பு வெளியாகியுள்ளது.