விமல் நடிக்கும் சார் படத்தின் முதல் பாடல் வெளியாகியுள்ளது.

இயக்குநரும் நடிகருமான போஸ் வெங்கட் இயக்கத்தில் நடிகர் விமல் நடித்து வருகிறார். படத்திற்கு மா.பொ.சி (மாங்கொல்லை பொன்னரசன் சிவஞானம்) என்று பெயரிட்டு பின் 'சார்' என பெயர் மாற்றம் செய்துள்ளனர்.

இப்படத்தை எஸ்எஸ்எஸ் பிக்சர்ஸ் நிறுவனம் தயாரிக்கிறது. இயக்குநர் வெற்றிமாறனின் கிராஸ்ரூட் பிலிம் கம்பெனி நிறுவனமும் படத்தின் வெளியீட்டு பொறுப்பில் இணைந்துள்ளது.

படத்தின் டீசர் வெளியாகி கவனம் பெற்ற நிலையில், ’பனங்கருக்கா’ எனத் துடங்கும் முதல் பாடலை வெளியிட்டுள்ளனர்.

சித்து குமார் இசையமைப்பில் உருவான இப்பாடலுக்கு விவேகா வரிகள் எழுத இசையமைப்பாளர் ஜி.வி.பிரகாஷ் மற்றும் அவரின் முன்னாள் மனைவி சைந்தவி இணைந்து பாடியுள்ளனர்.

ஜி.வி.பிரகாஷ் - சைந்தவியின் விவாகரத்து அறிவிப்புக்குப் பின் இருவரும் இணைந்து பாடியுள்ளது குறிப்பிடத்தக்கது.