பாலிவுட்டில் ஷாருக்கானுக்கு ஜோடியாக நயன்தாரா நடித்த ஜவான் திரைப்படம் வெளியாகி வசூல் ரீதியாக மாபெரும் வெற்றி பெற்றது. இதைத் தொடர்ந்து, நயன்தாராவின் இறைவன், அன்னபூரணி ஆகிய திரைப்படங்கள் கலவையான விமர்சனங்களைப் பெற்றன.

நயன்தாரா முதன்மையான கதாபாத்திரத்தில் நடிக்கும் புதிய படத்தின் அறிவிப்பு சமீபத்தில் வெளியாகியது. கோலமாவு கோகிலா படத்துக்கு பிறகு யோகிபாபு இப்படத்தில் நடிக்கிறார்.

இப்படத்துக்கு மண்ணாங்கட்டி எனப் பெயரிடப்பட்டுள்ளது. பிரபல யூடியூப் சேனலில் புகழ்பெற்ற டூட் விக்கி இப்படத்தை எழுதி இயக்குகிறார். ஷான் ரோல்டன் இசையமைக்கும் இப்படத்தை பிரின்ஸ் பிக்சர்ஸ் தயாரிக்கிறது.

இந்நிலையில் இப்படத்தின் படப்பிடிப்பு முடைவடைந்துள்ளது. இதனைப் படக்குழு கேக் வெட்டி கொண்டாடியுள்ளது. இந்தப் புகைப்படங்கள் வைரலாகி வருகின்றன.