நடிகை மடோனா செபாஸ்டியன் பென்ஸ் படத்தில் இணைந்துள்ளதாகத் தகவல் வெளியாகியுள்ளது.
இயக்குநர் லோகேஷ் கனகராஜின் கதையில், பாக்கியராஜ் கண்ணன் இயக்கத்தில் நடிகர் ராகவா லாரன்ஸ் நாயகனாக நடிக்க, நிவின் பாலி, மாதவன் உள்ளிட்டோர் முக்கிய கதாபாத்திரங்களில் நடிக்கின்றனர். படத்திற்கு பென்ஸ் எனப் பெயரிட்டுள்ளனர். படத்தின் படப்பிடிப்பு விறுவிறுப்பாக நடைபெற்று வருகிறது.
எல்சியூ திரைப்படமாக இது உருவாகும் என லோகேஷ் அறிவித்திருந்தார். இப்படத்திற்கு அனிருத், சாம் சிஎஸ், சாய் அபயங்கர் ஆகியோர் இசையமைக்க உள்ளனர்.
சில நாள்களுக்கு முன் நடிகர் நிவின் பாலி இப்படத்தில் இணைந்ததைத் தயாரிப்பு நிறுவனம் அதிகாரப்பூர்வமாக அறிவித்திருந்தது.
இந்த நிலையில், இப்படத்தில் நடிகை மடோனா செபாஸ்டியன் இணைந்துள்ளதாகத் தகவல்கள் தெரிவிக்கின்றன. லோகேஷ் இயக்கிய லியோ திரைப்படத்தில் மடோனா விஜய்யின் தங்கை கதாபாத்திரத்தில் நடித்திருந்தார். ஆனால், அப்படத்தில் இறந்தும்விடுகிறார்.
இதனால், லியோவுக்கு முந்தைய கதையாக இப்படம் உருவாகி வரலாம் எனத் தெரிகிறது.
இதையும் படிக்க: கமல் - 237 படத்தின் நிலை என்ன?
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.