நெசவாளர்களுக்கு ரூ. 10 லட்சம் காப்பீடு: விஜய் வாக்குறுதி

நெசவாளர் குடும்பங்களுக்கு ரூ. 10 லட்சம் வரை காப்பீடு வழங்கப்படும் என தமிழக வெற்றிக் கழக தலைவர் விஜய் வாக்குறுதி அளித்துள்ளார்.

நெசவாளர் முதியோர் ஓய்வூதியம் ரூ. 3000, நெசவாளர்களின் உற்பத்தி செலவை குறைக்க 50% மானியம் வழங்கப்படும் என வாக்குறுதி அளித்துள்ளார்.

திருப்பூர் மாவட்டம் பெருமாநல்லூரில் தமிழக வெற்றிக் கழக வேட்பாளர்களை ஆதரித்து விஜய் பிரசாரம் மேற்கொண்டார்.

பிரசாரத்தில் தவெக திட்டங்கள் குறித்து விஜய் பேசியதாவது:

அரசுக்கு சொந்தமான உலகளாவிய இ-காமர்ஸ் பிராண்ட் உருவாக்கப்படும். முக்கிய நகரங்களில் தறி விற்பனை நிலையங்கள் அமைக்கப்படும்.

நிலையற்ற நூல் விலை, மின்சார சுமையை பகிர்ந்துகொள்ள கைத்தறி, விசைத்தறி வைத்திருக்கும் குடும்பங்களுக்கு ஆண்டுக்கு ரூ. 30,000 வழங்கும்.