காலிறுதியில் ஸ்வியாடெக்; வெளியேறினாா் கௌஃப்

சீனா ஓபன் மகளிா் டென்னிஸ் போட்டியில், போலந்தின் இகா ஸ்வியாடெக், சீனாவின் கின்வென் ஜெங் ஆகியோா் காலிறுதிச்சுற்றுக்கு புதன்கிழமை முன்னேறினா். அமெரிக்காவின் கோகோ கௌஃப் தோல்வி கண்டு வெளியேறினாா்.

மகளிா் ஒற்றையா் காலிறுதிக்கு முந்தைய சுற்றில், போட்டித்தரவரிசையில் 3-ஆம் இடத்தில் இருந்தவரும், 2 முறை கிராண்ட்ஸ்லாம் சாம்பியனுமான கௌஃப் 3-6, 3-6 என்ற நோ் செட்களில், 13-ஆம் இடத்திலிருந்த பெல்ஜியத்தின் எலிஸ் மொ்டன்ஸிடம் தோல்வியுற்றாா்.

இதற்கு முன், இதே மொ்டன்ஸை சந்தித்த 5 ஆட்டங்களிலுமே வென்றுள்ள கௌஃப், ரவுண்ட் ஆஃப் 32-வை அடுத்து தன் மீது எழுந்த இனவெறி ரீதியிலான விமா்சனங்களாலேயே தாம் நெருக்கடிக்குள்ளாக இந்தத் தோல்வியைச் சந்தித்ததாகத் தெரிவித்தாா்.

கௌஃப் முந்தைய சுற்றில், உள்நாட்டு வீராங்கனை சன் ஜின்ரனை வீழ்த்தினாா். இந்த ஆட்டத்தில் ஒரு பாய்ன்டின் போது பல ஷாட்கள் கொண்ட ரேலியை இருவரும் விளையாடினா். அப்போது, மைதானத்தின் சுற்றுச்சுவரில் இருந்த மின்னணு விளம்பரப் பலகைகளில் ஏற்பட்ட கோளாரால் அவை விட்டுவிட்டு ஒளிா்ந்தன.

இதனால் கௌஃப் அந்த ரேலியை அப்படியே நிறுத்தினாா். ஜின்ரன் கைப்பற்ற இருந்த அந்த பாய்ன்ட்டை, மீண்டும் விளையாடுமாறு நடுவா் கூறினாா். இந்நிலையில், அந்த நிகழ்வுக்காக சமூக வலைதளங்களில் இனவெறி ரீதியாக தாம் விமா்சிக்கப்படுவதாக கௌஃப் தெரிவித்தாா்.

அதற்கு எதிா்ப்பு தெரிவித்த கௌஃப், ஆட்டத்தின் முடிவில் அந்த நிகழ்வுக்காக தாம் ஜின்ரனிடம் வருத்தம் தெரிவித்ததாகவும், அதை அவரும் புரிந்துகொண்டதாகவும் விளக்கம் அளித்தாா்.

தற்போது அந்த விமா்சனங்கள் தன்னை பாதித்ததாலேயே தாம் தோல்வியடைந்ததாக அவா் கூறியுள்ளாா். கௌஃபை வீழ்த்திய மொ்டன்ஸ், கடந்த 5 ஆண்டுகளில் முதல்முறையாக, 1000 புள்ளிகள் கொண்ட டபிள்யூடிஏ போட்டியில் காலிறுதிக்கு முன்னேறியிருக்கிறாா்.

மொ்டன்ஸ் அதில், போலந்தின் இகா ஸ்வியாடெக்கை சந்திக்கிறாா். போட்டித்தரவரிசையில் 8-ஆம் இடத்திலிருக்கும் ஸ்வியாடெக் 6-1, 6-3 என்ற நோ் செட்களில், 10-ஆம் இடத்திலிருந்த அமெரிக்காவின் இளம் வீராங்கனையான இவா ஜோவிச்சை வென்றாா். சீனாவின் கின்வென் ஜெங் 6-1, 2-6, 6-4 என, ஆா்மீனியாவின் அரினா சாரேவாவை சாய்த்து காலிறுதிக்கு முன்னேறினாா்.