சட்டென மாறிய வானிலை! சென்னையில் மழை!

சென்னையில் காலை முதலே சூரியன் தலைக்காட்ட விரும்பாமல் சற்று ஒதுங்கியே காணப்பட்ட நிலையில், பிற்பகல் 3 மணிக்கு ஆங்காங்கே மழை தலைக்காட்டத் தொடங்கியிருக்கிறது.

கடந்த இரண்டு வாரங்களாக மாலையில் அல்லது இரவில் அவ்வப்போது ஆங்காங்கே மழை பெய்து வந்த நிலையில், சனிக்கிழமை சற்று முன்னதாகவே மழை தன்னுடைய கடைமையச் செய்யத் தொடங்கிவிட்டது.

சென்னையில் அம்பத்தூர், ஆவடி, திருநின்றவூர் உள்ளிட்ட பகுதிகளில் பகல் 3 மணிக்கு திடிரென கருமேகங்கள் சூழ்ந்து மழையைப் பொழிந்தன. இதனால் வாகன ஓட்டிகள் செய்வதறியாது மறைவான இடங்களில் நிற்க வேண்டிய நிலை ஏற்பட்டது.