தென்காசி மாவட்டத்தில் மது விற்ற 41 போ் கைது

காந்தி ஜெயந்தியை முன்னிட்டு மதுக்கடைகள் மூடப்பட்டிருந்த நிலையில், தென்காசி மாவட்டத்தில் மதுபாட்டில்களை பதுக்கி வைத்து விற்பன செய்ததாக 41 போ் வெள்ளிக்கிழமை கைதாகினா்.

இதுதொடா்பாக, மாவட்ட காவல் கண்காணிப்பாளா் எஸ்.அசோக்குமாா் வெளியிட்ட செய்திக்குறிப்பு: தென்காசி மாவட்டத்தில் விதிமுறை மீறி மதுபானம் விற்பனை செய்யப்படுவதை தடுக்கும் பொருட்டு, மாவட்டம் முழுவதும் கண்காணிப்பு மற்றும் ரோந்து பணிகள் தீவிரப்படுத்தப்பட்டது.

காந்தி ஜெயந்தி தினமான வெள்ளிக்கிழமை நடத்தப்பட்ட தீவிர சோதனையில் மாவட்டம் முழுவதும் மதுப்பாட்டில்களை பதுக்கி வைத்து விற்பனை செய்தது தொடா்பாக 38 வழக்குகள் பதிவு செய்யப்பட்டு, சம்பந்தப்பட்ட நபா்களிடமிருந்து 796 மது பாட்டில்கள் பறிமுதல் செய்யப்பட்டன. மேலும், 41போ் கைதுசெய்யப்பட்டு நீதிமன்ற காவலில் சிறையில் அடைக்கப்பட்டனா்.