பாசிப் பயறு இனிப்பு சுண்டல்

தேவையானவை:

பாசிப்பயறு- 200 கிராம்

மிளகாய் வற்றல்- ஐந்து

கடுகு, உளுந்தம் பருப்பு, தேங்காய்த்

துருவல்- தலா ஒரு தேக்கரண்டி

வெல்லம் -ஐம்பது கிராம்

உப்பு ,எண்ணெய்- தேவையான அளவு

செய்முறை:

வாணலியை அடுப்பில் வைத்து காய்ந்ததும் அதில் பச்சைப் பயறைப் போட்டு லேசாக வறுத்து எடுத்து ஒரு மணி நேரம் தண்ணீரில் ஊற வைக்க வேண்டும். பின்னர் அதை கழுவி ஒரு பாத்திரத்தில் போட்டு தேவையான கொதிக்கும் நீர் விட்டு வேக வைக்க வேண்டும். முக்கால் பதம் வெந்ததும் நீரை வடிய விட்டு உப்பைச் சேர்த்து கலக்க வேண்டும்.

அடுப்பில் வாணலியைப் போட்டு காய்ந்ததும் தேவையான எண்ணெய் விட்டு கடுகு ,உளுந்தம்பருப்பு, கிள்ளிய மிளகாய் வற்றல் போட்டு சிவந்ததும் பாசிப்பயறைப் போட வேண்டும். அதில் வெல்லத்தைத் தூள் செய்து போட்டு வெல்லம் கரையும்போது, தேங்காய்த் துருவல் சேர்த்துக் கிளறி கீழே இறக்க வேண்டும்.

ஆர் .ஜெயலெட்சுமி