1.ஓய்வில்லாமல் சுற்றி வரும் அண்ணன்,  தம்பிகள்;  நின்றுவிட்டால் நமக்கு நேரம் சரியில்லை.
2.எல்லோருக்கும் கால் தடம் உண்டு.  இந்தக் குள்ளனுக்கு மட்டும் அது கிடையாது.
3.அணில் பிள்ளை ஏறாத அழகுக் கொம்பு.
4.அவிழ்த்து விட்டால் அழிப்பவனை அடக்கி வச்சிருக்கு?
5.கையுமில்லை காலுமில்லை;  ஆனாலும் நகர்ந்து நகர்ந்து செல்கிறான்.
6.கடலில் இருந்தவன். கரையில் பிரிந்தவன்.  கடையில் கிடக்கிறான்.
7.அண்ணன்,  தம்பி 12 பேரில் ஒருவன் மட்டும் குறைப் பிரசவம்.
8.வெண்மையாக இருப்பான்.  பால் அல்ல; விசேஷ நாள்களில் வீடுகளைப் பளிச்சிட வைப்பான்.  அது என்ன?

விடைகள்:

1. கடிகாரம் 2. எறும்பு 3. மாட்டுக் கொம்பு 4. தீபம் 5.  நிலா 6.  உப்பு
7.  பிப்ரவரி மாதம் 8.  சுண்ணாம்பு.