தருவைகுளம் மீனவா்களுக்கு செயற்கைக்கோள் அலைபேசிகள் அளிப்பு

தூத்துக்குடி, தருவைகுளம் கிராமத்தில் மீன்வளம் மற்றும் மீனவா் நலத் துறை சாா்பில் மீனவா்களுக்கு செயற்கைக்கோள் அலைபேசிகள் வழங்கும் விழா ஞாயிற்றுக்கிழமை நடைபெற்றது.

மாவட்ட ஆட்சியா் விஷு மகாஜன் தலைமை வகித்தாா். மீன்வளம் மற்றும் மீனவா் நலத் துறை அமைச்சா் ஆ. ஸ்ரீநாத் கலந்துகொண்டு, 74 மீனவா்களுக்கு செயற்கைக்கோள்

அலைபேசிகளை வழங்கிப் பேசியதாவது:

தற்போது வழங்கப்பட்டுள்ள ஒரு செயற்கைக்கோள் தொலைபேசி மற்றும் சிம் காா்டு மதிப்பு ரூ. 1,34,166. இதில் 40 சதவீதம் அரசு மானியமாக வழங்கப்படுகிறது.

ஆழ்கடலுக்கு மீன்பிடிக்கச் செல்லும் மீனவா்கள் பாதுகாப்பாக இருப்பதற்கும், கரையில் இருப்பவா்களை எளிதாகத் தொடா்பு கொள்வதற்கும் இது பயனுள்ளதாக இருக்கும் என்றாா் அவா்.

தூத்துக்குடி மண்டல மீன்வளம் மற்றும் மீனவா் நலத் துறை இணை இயக்குநா் த. இளம்வழுதி, உதவி இயக்குநா் புஷ்ரோ ஷப்னம், மீனவா்கள், அரசு அலுவலா்கள் கலந்து கொண்டனா்.