குஜராத் டைட்டன்ஸ் அணிக்கு எதிரான போட்டியில் லக்னௌ அணி டாஸ் வென்று பந்து வீச்சினை தேர்வு செய்தது. 

தொடக்க ஆட்டக்காரர் சாஹா அதிரடியாக விளையாடி 43 பந்துகளில் 81 ரன்களை எடுத்தார். இதில் 10 பவுண்டரிகள், 4 சிக்ஸர்கள் அடங்கும். சுப்மன் கில் - சாஹா ஜோடி 142 ரன்கள் பார்னர்ஷிப் அமைத்தனர். 12.1வது ஓவரில் சாஹா ஆட்டமிழந்தார்.

அடுத்து வந்த குஜராத் கேப்டன் ஹார்திக் பாண்டியா 15 பந்துகளில் 25 ரன்களுக்கு அண்ணனிடம் (கிருணால் பாண்டியா) கேட்ச் கொடுத்து ஆட்டமிழந்தார். பின்னர் கில், மில்லர் ஜோடி சேர்ந்து ஆடினார்கள். 

இறுதி வரை ஆட்டமிழக்காமல் இருந்த சுப்மன் கில் 93 ரன்கள் எடுத்தார். இதில் 7 சிக்சர்கள், 2 பவுண்டரிகள் அடங்கும். மில்லர் 21 ரன்கள் எடுத்தார். 

குஜராத் அணி 20 ஓவர் முடிவில் 227/2 ரன்கள் எடுத்தது. லக்னௌ அணி சார்பாக மோஷின் கான், ஆவேஷ் கான் தலா 1 விக்கெட் எடுத்தனர்.