பேரவையில் 3 முக்கிய அறிவிப்புகள்: இன்றைய செய்திகள் ஆகஸ்ட் 24 - நேரலை!

ஓணம் பண்டிகையை முன்னிட்டு சபரிமலை ஐயப்பன் கோயில் நடை இன்று திறக்கப்படுகிறது.

அன்னபூரணி சூப்பர் சிக்ஸ் திட்டத்தில் முதற்கட்டமாக ஆண்டுக்கு 3 விலையில்லா சிலிண்டர்கள் வழங்கப்படும் என்று முதல்வர் விஜய் அறிவித்துள்ளார்.

சென்னையை அடுத்த பரந்தூர் பகுதியில் அமையவிருந்த இரண்டாவது விமான நிலைய திட்டம் கைவிடப்படுவதாக சட்டப்பேரவையில் இன்று முதல்வர் ஜோசப் விஜய் அறிவித்துள்ளார்.

கட்டணமில்லா மகளிர் பேருந்து திட்டம் அக். 2-ஆம் தேதி தொடங்கப்படும் என்று பேரவையில் முதல்வர் விஜய் அறிவித்துள்ளார்.

தமிழக சட்டப்பேரவையில் பேசிய முதல்வர் விஜய், பரந்தூர் விமான நிலையம் கைவிடப்படும் என அறிவித்ததற்கு எதிர்ப்பு தெரிவித்து திமுக உறுப்பினர்கள் பேரவையிலிருந்து வெளிநடப்பு செய்தனர்.

புது தில்லியின் துவாரகா பகுதியில் உள்ள தனது வீட்டில், மத்திய பாதுகாப்பு அமைச்சகத்தில் மூத்த அரசு அதிகாரியாகப் பணியாற்றி வந்த 30 வயதுடைய கர்பிணி சடலமாகக் கண்டெடுக்கப்பட்டுள்ள சம்பவம் அதிர்ச்சியை ஏற்படுத்தியிருக்கிறது.

பால் கொள்முதல் விலையை மேலும் உயர்த்தி வழங்க அரசு நடவடிக்கை எடுக்க வேண்டும் என்று அதிமுக பொதுச்செயலரும் எம்எல்ஏவுமான எடப்பாடி பழனிசாமி வலியுறுத்தியுள்ளார்.

தொழில் துறை அமைச்சர் கீர்த்தனாவிற்கு ஆதரவாக திமுக எம்.பி. கனிமொழி தனது எக்ஸ் தளத்தில் கருத்து பதிவிட்டுள்ளார்.

தமிழ்நாட்டில் உள்ள பள்ளிக் கட்டடங்கள் ஆய்வுக்குள்படுத்தப்பட்டு கட்டடங்களின் தகுதிக்கு ஏற்ப சிவப்பு, மஞ்சள், பச்சை என மூன்று வகையான ஸ்டிக்கர்கள் ஒட்டப்படும் என பொதுப் பணித் துறை அமைச்சர் ஆதவ் அர்ஜுனா பேசியதற்கு திமுகவினர் கடும் கண்டனம் தெரிவித்துள்ளனர்.

கொளத்தூர் தொகுதியில் தவெக வேட்பாளர் வி.எஸ். பாபு வெற்றி பெற்றதை எதிர்த்து சென்னை உயர்நீதிமன்றத்தில் திமுக தலைவரும், முன்னாள் முதல்வருமான மு.க. ஸ்டாலின் வழக்குத் தொடர்ந்துள்ளார்.

தவெகவின் தேர்தல் அறிக்கையில் இடம்பெற்றிருந்த ஆறு சிலிண்டர்கள் மூன்றாக குறைப்பா? என அமமுக பொதுச்செயலர் டிடிவி தினகரன் கேள்வி எழுப்பியுள்ளார்.

வேவு பார்ப்பது திமுக வேலையில்லை, மக்களுக்கு வேலை செய்வதே எங்கள் பாணி என்று முன்னாள் அமைச்சரும் துறைமுகம் தொகுதி எம்எல்ஏவுமான சேகர்பாபு கூறியுள்ளார்.

காரீப் பருவக் காலத்தில் வெங்காய உற்பத்தி குறைந்ததன் காரணமாக, நாடு முழுவதும் வெங்காயம் விலை கடுமையாக உயர்ந்துள்ளது. இது மேலும் அதிகரிக்கும் என அஞ்சப்படுகிறது.

மாநகராட்சிகள் மற்றும் நகராட்சிகளில் பாதாளசாக்கடை பராமரிப்பை முழுமையாக இயந்திரமயமாக்க ரூ.102 கோடியில் நவீன இயந்திரங்கள் கொள்முதல் செய்யப்படும் என தமிழக அரசு இன்று (ஆக. 24) அறிவித்தது.

அரசுப் பள்ளி மாணவர்களுக்கு சீருடையுடன் விளையாட்டுச் சீருடை (ஸ்போர்ட்ஸ் ஜெர்ஸி) வழங்கப்படும் என பள்ளிக் கல்வித் துறை அமைச்சர் ராஜ்மோகன் இன்று (ஆக. 24) தெரிவித்தார்.

TN-ARIVU 2027-28 ஆம் கல்வியாண்டு முதல் மாநிலம் முழுவதும் அனைத்துப் பள்ளிகளிலும் செயல்படுத்தப்படும்.

இரண்டு ஏக்கருக்கும் குறைவாக விவசாய நிலம் உள்ள விவசாயக் குடும்பங்களைச் சேர்ந்த மாணாக்கர்கள் அரசு கல்லூரிகள் மற்றும் அரசு பல்கலைக்கழகங்களில் படிக்கும் பட்சத்தில் அவர்களுக்கு முழு கல்விகட்டண விலக்கு அளிக்கப்படும்.

உயர்கல்வி பயிலும் திருநர் மாணாக்கர்களின் கல்வி, வாழ்வாதாரம் மற்றும் மருத்துவச் செலவுகளுக்காக, அரசு உயர்கல்வி நிறுவனங்களில் சேரும் 50 திருநர் மாணாக்கர்களுக்கு தலா ரூ. 2 லட்சம் நிதியுதவி வழங்கப்படும். இதற்காக ரூ.1 கோடி நிதி ஒதுக்கீடு செய்யப்படும்.